Die Mundart der Grafschaft Glatz (Schlesien)

Archiv der bisher veröffentlichten Gedichte auf der Mundart-Seite

Im Jahr 2003 wurden auf der Mundart-Seite folgende Verse
von Erhard Gertler als „Gedicht des Monats“ veröffentlicht:

Inhaltsübersicht 2003

Monat, Jahr

Gedicht des Monats

Weihnachtsgedicht 2003

Weihnachts-Kulti

Dezember 2003

Die Zweetagesreise

November 2003

Reformfieber
Ein Ahnen nur

Oktober 2003

Rentner-Ironie
Mei Ploatz

September 2003

Die Bergmoansmoahlst

August 2003

Sommerbärna

Juli 2003

Fauler Zauber

Juni 2003

Fragen

Mai 2003

Die Stoarbotte

April 2003

Uustarn

März 2003

Spatzentanz

Februar 2003

's ies geschlacht

Januar 2003

Zweetausenddreie

 

 

Weihnachts-Gedicht 2003

 

Weihnachts-Kulti

Ein Weihnachtsgedicht zu schreiben? -
Läßt man es heute lieber bleiben? -
Die Frage hat auf dieser Welt,
Sich manch anderer schon gestellt.

Multi - Kulti, - Weihnachts - Kult,
Wer ist am Verfall denn Schuld?
Wer weicht auf und wer verwischt? -
Wer hat Zweifel aufgetischt? -

Wer fegt auf der Wohlstandswelle,
Gefühl und Seele von der Quelle? -
Jener Quelle die uns nährt,
Die vom Zeitgeist ausgezehrt? -

Wir, ja wir, 's ist kaum zu fassen,
Müssen immer uns anpassen,
Werfen unsere Wurzeln fort
Und vermissen dann den Hort.

Jenen Hort, der Heimat gibt,
Der von den Eltern schon geliebt,
Die in inniger Glaubenstreue,
Bodenständig, ohne Reue.

Sich gequält, - und doch geglaubt.-
Wehe dem, - der ihnen raubt,
Diesen festen Wurzelgrund,
Selbst in aller schwerster Stund!

Denn es ruht ganz tief da drinnen,
Eine Glock' in unseren Sinnen,
Die zur beständigen Hoffnung schlägt:
Ein Kind, - ein Gott, - der weiter trägt.

Erhard Gertler

 


 

Gedichte des Monats Dezember 2003

 

Die Zweetagesreise

Na ja, mier sein etz schonnt bei Joahrn,
Doo mecht ma fatt halt amoal foahrn.
Es werd a woll aach langsam Zeit,
Die Hauptsache, blooß nee zo weit.
Nee weit vum Hofe oder Haus,
Sost ies doas met der Ruhe aus.
Es kennt amende woas possiearn,
Wenn mier ons ärnswu amesiearn!
Ma hoot schonnt tagelang zo tun,
Kemmt kamm zom Schloofa oder Ruhn.
Muuß Autowoascha, Roasamäähn,
Met'm Häckla doarch a Goarta jähn,
Mecht Unkraut zuppa, jaata, tenga,
A ganza Taag eim Dreischlaag sprenga.
Mecht met äm ruhicha Gewessa,
Versorja oalls on's Haus oabschlessa.
Doas ganze scheint, Ihr kennt druuf wetta,
Oals ob mer a Dominium hätta.

Doas Weib a doarch die Stuba prescht,
Die Kuffer packt, nooch Wäsche wäscht.
Roock, Hemde on Krawatte biejelt,
Kä Beßla ihre Kräfte ziejelt.
Se sorjt fer Assa of der Foahrt,
Se hoot vu Stau glä woas gehoart,
Drem räßt se ei a Uufa nei,
Broot Kottlett, backt 'n Baabe glei.
Gieht me'm Gewessa goar zo Roate,
Kocht Ääer, macht Kartoffelsoloate,
Packt ei die Asstoasche oals glei,
Tomaten messa a miet nei!
Sorjt fer Kaffee, fer a Doarscht,
Verstaut 'n Zärpel Knoobliechwoarscht!
Doas ganze Assa muuß oals miete,
Fer jeda macht se 'n Putterschniete!
Bananen on halt Bärnna a,
Oalls stoppt se nei, der Kroiz on quaar.
Es glääbts kääs, woas oalls nei gehäärt! -
- Oals ob ma nooch Sebirien fährt! -
Es sein doch blooß drei Stunda Foahrt,
Dann ies erreicht doch schonnt da Oart.
On nooch zwee Taaga, nä du hei!
Ies wieder ma Derhääme glei.
Hoot nischt gebraucht vum ganza Froasse,
Ei der Asstoasche doo schwemmt die Sooße,
Tomaten, Bärnna, oalles Mottsch!
Die Oarbt eim Goarta woar a Quottsch!
Ma selde halt, ei onsa Joahrn,
Derhääme blein on nee erscht foahrn.

Erhard Gertler

 


 

Gedicht des Monats November 2003

 

Reformfieber

Der Mensch muß leben mit Reformen,
Mit beständig neuen Normen,
Hochgejubelten Diktaten,
Demokrat'scher Potentaten.

Alles, was dem Bürger billig,
Schluckt er treu, ja brav und willig,
Wenn nur der Zukunft Sonne scheint, -
Den Istzustand er nicht beweint.

Doch das Morgen muß erst werden,
Denn stets zeigt sich neu auf Erden,
Daß das Morgen anders ist,
Wenn man es am Gestern misst.

Erhard Gertler

 


 

Gedichte des Monats Oktober 2003

 

Rentner-Ironie

„Du,“ sääte zo ihm, Pauline:
„Hoite schännt die Sonne schiene,
Deck där ock a Steppel ei,
Soßte troijt 's Gehärrne ei!“

Doo määnte ar: „Och Herr je,
Pauline, nä doas brauch iech nee.
Fer die Rente, die mer kempftiech krieja,
Watt's a eigedorrt genieja!“

Erhard Gertler

 

Mei Ploatz

Ihr Loite fräät euch der Natur,
Die Pol'tik fend kääne Spur,
Die ons off der Arde hellt
On ons ei die Häämte stellt.

Nischt woas die doo on betreiba,
Koan woas Häämte ies beschreiba,
Nischt Erlaabtes on Erwoarbnes,
Blooß Verstaabtes on Vertoarbnes.

Em Joahreskrääs loach onser Tun,
Laaba, Schenda, wie doas Ruhn.
Oalles, oalles kund mer tääla
Doas Derlaabte toats aach hääla.

Emmer, wenn's em doas oalls gieht,
Es ei jedem Hatze brieht.
Jeder hoots a Steckla drenne,
Tief, - ganz tief ei seinem Senne.

Denn, wenn's em die Frooje gieht,
Wu on wie a jeder stieht,
Kennt a blooß daan ääna Soatz:
„Ei der Häämte ies mei Plaotz!“

Erhard Gertler

 


 

Gedicht des Monats September 2003

 

Die Bergmoansmoahlst

Koalle, a Bergmoan, ei a besta Jaohrn,
Toat treu on prav ei die Gruube neifoahrn.
Denn war datte oarb't, - 'ies kä Remgelonger, -
Kriecht wenn a droa denkt, schonnt änn rechtja Honger.

Oaber, 's werd a Problem, - asu wurd mer derzahlt, -
Wenn zom Kocha daam Moanne doas Weib amoal fahlt.
Oaber, 's ies, wie es ies, 's muuß moanchmoal sein,
A Weib koan nee emmer Derhääme bloos blein.

Der Schwaster Geboartstiech, datt musst se doch hie,
Doas woar wetter weg, dremm fuhr se schonnt frieh.
Der Moan hoatte Speetschecht, - doas toat groade fahla, -
Dremm musst sa'n halt salber zom Kocha oahaala.

Se määnte: „Iech muuß manne fatt, doas warschte verstiehn,
's watt ohne ohne Flääsch, ohne Kließlan, wool aach amoal giehn!
Du kochst Dier änn Melchreis, s'ies 'n einfache Sache,
Du brauchst nee gruuß toalka on hoast weng ei der Mache.

Du machst Foier ei a Uufa, oaber bloos nee zo groob!
On zom Kocha nemmste a mettlara Toop.
A femf Läffels Reis, derzu tuste Melch, a oarndlieches Schwutzla,
Doas lest de oalls quella, on dann hoast dei Guttsla!“

Nu ja, määnte Koalle: „Doas wa mer ju sahn,
Doas wa iech schonnt macha, doas watt schonnte waan!“
Taags druuf, doo macht ar kä langes Buhei
On rieß a beizeita ei a Uufa schonnt nei.

Bloos femf Läffel Reis? Doocht ar, - Nä, Weibla, du hei!
Fer a Assa fer änn Moan, doo muuß oarndliech woas nei!
Wenn iech doo vleicht sool änn Bremsboarg versetza,
Koan iech met a Zänn nee off Kärnlan remmwetza.

Dann noahm ar die Titte on schutt se flugs läär,
Denn woas a rechtiecher Moan ies, da braucht äben mähr!
Dann schutt ar die Melch nei, - on fräät siech eim Stella, -
Etz loaß iech doas ganze ei Ruhe bloos Quella.

Vu wääjen on Ruhe! Da Pomps quoul on quoul!
Der mettlere Toop woar zom dretta Moal vuul!
'n ganze Scheßvel vum Floppse schonn oabgescheppt,
Oaber doas Quella, doas quella woar nooch nee gedeppt.

Ar kriechte goar Angst on met zittricha Bänn,
Goab ar daan ganza Froaß etz a Schwänn.
Dann hullt ar vum Fläscher siech 'n Knobliechworscht
On vum Bräuer a glei nooch a Bier fer a Doarscht.

Ies dernoo soat on zofriede ei die Gruube gekrocha:
„Nee äämoal, - asu säät a, - wa iech on nooch Kocha!
Wenns Weib ärn wieder fattzuppa wiel,
Sein Fläscher on Bräuer vu Oafang mei Ziel!“

Ar woar aach der Meinung, es watt siech gehäärn,
A Bergmoan koan siech nee vu Reiiße ernährn.
Ar braucht ei a Maaja ääbms rechtiech woas nei
Fährt erscht wenn ar soat ies zor Mettiechschecht ei.

Erhard Gertler

 


 

Gedicht des Monats August 2003

 

Sommerbärna

Sommerbärna, - sisse,- klään,
Doodrieber koan siech jeder frään.
Werkliech? Werkliech? Och, Ihr Loite,
Gibt's die Kriepalan nooch hoite?

Ruusiech, gelb, softiech, märbe,
Fresch gepflockt on vuule Kärbe? -
Nu ja, woas hoit 'n Bärne ies,
Die kemmt vu auswärts ganz gewieß.

Werd iebersch Kiehlhaus eigefiehrt,
Ies vu kääner Moade infeziert,
Werd erscht derhääme rechtiech reif,
Bleit lange haltboar, feste, steif.

Bloosiech, Ihr Loite, och Herr je!
Asu rechtiech schmecka tun se nee.
Die Kriepsche, glott on ohne Moada,
Sella niemandan nee schoada.

Sein gespretzt vu oalla Seita,
- Der Eko-Pauer watt's bestreita, -
Blooß es freen siech onse Aala,
Wie soste koan 'n Frocht siech haala?

Met daan Bärna iss halt glä,
Wie met a Menscha hoite hä:
Se sein gespretzt, se sein behandelt
On vum Ursprong har verwandelt.

Erhard Gertler

 


 

Gedicht des Monats Juli 2003

 

Fauler Zauber

Ihr Loite, etz bien iech eim Belde,
Die Mänscha, die sein rääne welde.
Ei die Sonne wella oalle,
Fatt, ock fatt, ei jedem Foalle.
Nooch Mallorca, nooch Ibieza,
Die Sonne siedlich on genießa.

Nä, es ies woll oallerhand,
Jeder sucht sänn Sonnabrand.
Doaß ma'n aach recht schnelle kriejt,
Hoarttiech ma'm entgejen fliejt
On ma zoahlt ver doas Pläsier,
A nooch Secherhäätsgebiehr.

Ei der Hetze oagekoamma,
Wird glei Foarbe oagenomma.
Kraabsruut ies die ganze Haut,
Jeder sitt woas ma siech traut.
Es woar woll doch aweng verkährt,
Also werd gutt eigeschmäärt.

Oaber nä, es werd nee kiehler,
Es foiert nooch, werd bloosich schwieler.
Braungebrannt mecht ma doch sein,
Etz lett ma die Sonne sein.
A Rest, ihr Loite, 's'ies zom Lacha,
Muuß dernooch der Schoata macha.

Oalles doas, muuß ma derträän,
Koan siech off Derhääme frään,
Stolz sänn brauna Kärper zeija
On dann ei die Woanne steija.
Es Falla juckt, es falla kremmert,
Also werd siech drem gekemmert.

Dann off ämoal, ieber Nacht,
Ies verbei die ganze Pracht.
Es kriecht die schiene braune Pelle,
Doo on datt 'n weiße Stelle.
Ma ies frustriert vum faula Zauber,
Wieder weiß, on närdliech sauber.

Erhard Gertler

 


 

Gedicht des Monats Juni 2003

 

Fragen

Vater, was erzählst Du da?
Mutter, ist das wirklich war?
Ist denn das, wie Ihr es wißt,
Nicht so, wie es im Fernsehen ist?

Nicht so, wie es uns beschrieben,
So wie Geschichte doch betrieben?
Wie das Leben sich gebärdet? -
Ist die Wahrheit so gefährdet?

Wird sie etwa übertüncht
Und mit Worten gar gelyncht?
Kopf nach unten, Beine oben,
Selbstbetrug ist nur zu loben?

Oder bleibt da einiges offen,
Das zu Warten lohnt, zu Hoffen?
Vielleicht einmal Klarheit bringt,
Ungewollt zur Wahrheit zwingt?

Haben wir in unseren Zeiten,
Nur noch Hinhörschwierigkeiten?
Zählt statt, wie gewohnt Erfahrung,
Nur die falsche Offenbarung?

Wissen möchte ich's, sag mir an!
Warum, weshalb, wie es begann.
Wie soll ich mich dagegen wehren?
Oder muß ich aufbegehren? -

Erhard Gertler

 


 

Gedicht des Monats Mai 2003

 

Die Stoarbotte

Druuba, ei der huucha Erlle,
Pfefft der Stoar, da klääne Kerlle.
Trompelt hie on haar om Stängla,
Macht eim Oobmdruut sei Gesängla.

Spreizt die Fliejel, sengt on sengt,
Doas es weit doarchs Därfla klengt:
„Iech bien a Voojel, hoa a Haus,
Komm met weng eim Laaba aus.

Dat, wu's woarm ies, miersch gefällt,
Meine Häämte ies die Welt.
Jedes Joahr, doo muuß iech ziehn,
Asu woas koan kä Mensch verstiehn.“ -

Off der Banke fer Ihrm Häusla,
Härcht die Gruula, wie a Mäusla.
Denkt, du kläänes Viechla du,
Woas wäßt vu a Menscha du?

Wie ihr Laaba se verbränga,
Wie se oa der Häämte hänga.
Wie se rackarn, wie se schenda,
Wie se iharn Schmerz verwenda.

Woas fer diech die Bottla ies,
Ies mei Häusla ganz gewieß.
Nä, iech mächt's bei Goot nee messa,
Heechstens drenne stärba messa.

Erhard Gertler, 02/2003

 


 

Gedicht des Monats April 2003

 

Uustarn

Geroade woar Grinndoonerschtiech,
Onse Poate meld'te siech.
Met Pfafferkucha, Pfaffernessa
On met andarn guuda Bessa.

Glei dernooch koam der Karfreitiech,
Beim heil'ja Groabe woar mer zeitiech.
Dermiet ei aollerschwärster Zeit,
Der Herrgoot nee allääne bleit.

Oaber etza iss dermacht,
Onser Herrgoot ies derwacht.
Uustarn lätt's vu oalla Tärma,
Verbei ies aolles Lääd on Härma.

Pauka on Trompeta klenga
Onser Kärchachor koan senga.
Uuferstehung hoa mer hoite!
Uustarn! Uustarn lätt's ihr Loite!

On ihr Kender paoßt bestemmt,
Doaß der Uusterhoase kemmt?
Groade word'er doch erscht senga,
Ward ihr die Guttlan oalle zwenga?

Sost gieht met a Eldarn miet,
Hullt euch neua Oppetiet;
Beim Kroizlastecka off'm Felde,
A Herrgoot fräät's, wenns woar warn selde.

Erhard Gertler, 02/2003

 


 

Gedicht des Monats März 2003

 

Spatzentanz

Neulich sah ich überraschend,
Spatz und Spätzin, die sich haschend,
Auf und nieder, flügelschlagend,
Einander ihre Gunst sich sagend.

Wirbelnd, zwitschernd, zirpend, lockend
Und das Weibchen selig hockend,
Ja, genießend voll und ganz,
Des Männchens stolzen Hochzeitstanz.

Schwupps, aus heitrem Spatzenhimmel,
Stört ein Neider das Getümmel.
Spatzenmännchen griff sofort,
Den Neider an und jagt ihn fort.

Indes die Beiden noch im Streite,
Sucht die Spätzin, - husch, - das Weite.
Aus, - vorbei, - der schöne Flirt,
Als Beschauer auch gestört:

Dacht' ich, ist's im Leben ganz,
Genau so wie beim Hochzeitstanz.

Erhard Gertler, 12/2002

 


 

Gedicht des Monats Februar 2003

 

's ies geschlacht

Onser Nutschla ies geschlacht,
's woar doas Oallerbeste.
Hoot emmer 's Kreppla laargemacht
On froaß oalle Reste.

Ieber a Joahr hoa mersch gehoat,
's hott a fett Genecke.
Klääne Äujlan hooats gehoat
On woar rond on decke.

Etza hoan ses oabgestocha
On ei brocka lieja;
Flääsch on Woarscht on Goalertknocha,
Oalls doas woas mer mieja.

Och, wie watt ons doas on schmecka,
Ei a nächsta Taaga!
Die Gusche wa mer ons belecka
On ons behn a Maaga.

A ganzes Joahr lang watt's nee fahla,
Doo oa Woarscht on Broota. -
On doas Nächste woas mer haala,
Watt a wieder gutt geroata.

Erhard Gertler, 12/2002

 


 

Gedicht des Monats Januar 2003

 

Zweetausenddreie

Doas Neue Joahr ies oa der Reihe,
Mier schreiba etz zweetausenddreie.
Die Taage recka schnell azu,
Die Zeit verfliecht halt wie eim Nu.

Doas woar asu, zo oalla Zeita,
On kääner watt doas a bestreita.
Ma schielt met jedem Aajablecke,
Off's Neue on guckt a zorecke.

Woas gestarn woar, doas ies verbei,
Ei's Hoite sterz mer ons etz nei.
Mier hoffa halt, doaß gutt ward warn,
Na, wie's on werd, doas wa mer sahn.

Met Zuversecht on Gootvertraun,
Well mer doas Neue Joahr uufbaun.
A jeder Taag hellt woas verstackt,
Die Hauptsache, doaß ma'n a packt.

„Zweetausenddreie“, wa mer nahma,
Blooßiech vu guuda Zeita traama!
Doas werd asu, doas ies doch kloar!
Euch oalla drem, „a guudes Joahr!“

Erhard Gertler, 11/2002

 


 

Auf der Inhaltsseite war vom 11.12.2002 bis zum 19.01.2003 das folgende Gedicht zu lesen:

Faffermannlas Weihnachtssprüchla

Underm Christboome doas Faffermannla neulich
Sproach: Ihr Leute, kleen bien ich freilich
Und hoa krumme Beene;
Denn iech bien doas Faffermannla, doas kleene.
Dar Bäcker, dar miech gebacka hotte,
Meente, iech wär' 'n verturbne Rotte;
Deswägen hoa iech bluß enn Fennig gekust't,
Sust hätt' iech err fümwe kusta gemußt,
Wenn iech wär wie die grußa Faffermänner,
Aber iech bien äbenst bluß a klenner.

Ihr Leute, iech muuß Euch doas eene soan:
Beißt miech nich etwant jitz schunt oan,
Denn doas wär' üm mei Laba schoade.
Aßt ock lieber zuerrscht Schuckloade.
Iech bien ju kaum sieba Stunda aalt,
Meine Noasaspitze ies noch nich kaalt
Voo dar erbärmlicha Backuwahitze,
O meine liebe Noasaspitze.

Mir wär ju nisch oon derr Welt gelan,
Iech möchte bluß noch awing Euer Christbeemla sahn
Und woas doo oll's druffe hängt,
Wuhien inserees goar nich denkt.
Die bunta Lichtla verr olla Dinga,
Herrjekersch, wenn die zum assa ginga,
Die fräß iech weg ei emm Oogablicke,
Doß iech und wär' wie a Mookließla dicke.

Ihr Leute, Ihr Leute, wu mahr iech hien?
Lußt miech ock bluß a bißla stiehn,
Bis is letzte Lichtla wird runderbrenna,
Dernoo meinswägen pack miech
Zerbrecht miech, zerstecht miech, zerhackt miech,
Iech koan ju doch nich vom Flecke renna,
Verleichte wird moncher noch üm miech flenna.
Iech hoa nischt Bieses nich gewullt,
Iech muuß sterba und Ihr seid schuld.

Ernst Schenke

 
Begriff-Suche:

Google
Internet
Grafsch. Glatz

 


 

 

 

Zum Mundart-Archiv Zurück zum Mundart-Archiv

 

 

Zur Mundart-Seite Zurück zur Mundart-Seite

 

 

Zur Homepage Zurück zur Homepage

 

 

Nähere Informationen über diese Internetseite erhalten Sie von Dipl.-Ing. Christian Drescher per Kontakt-FormularCounter 1

 

 

© 2003-2008 by Dipl.-Ing. Christian Drescher, Wendeburg-Zweidorf, Kontakt: Feedback-Formular.
Erste Version vom 02.09.2007, letzte Aktualisierung am 03.02.2008.